Во Врњачка Бања, секоја година во август, се одржува најголемиот младински фестивал во Србија – Lovefest. Овој фестивал посветен на љубовта е основан како забава во близина на Мостот на љубовта, позната туристичка атракција во Врњачка Бања, една од најпосетуваните бањи во нашата земја.
Како што се развиваше фестивалот, така се менуваше локацијата, и тоа неколку пати. Lovefest сега се одржува во големиот градски парк во близина на Врњачко езеро, каде што се наоѓа и кампот Lovefest, што е идеален простор каде може да се соберат и до 100.000 посетители.
До денес, фестивалот прераснал во тридневна манифестација што се одржува на повеќе сцени, угостил повеќе од стотина изведувачи од целиот свет и секоја година руши рекорди кога станува збор за посети од странски туристи. Стана фестивал од светски размери!
Покрај Exit во Нови Сад, Lovefest, како претставник на Србија, се наоѓа на листата на престижниот магазин DJ Mag, кој секоја година ги бира 100-те најдобри фестивали во светот врз основа на глобално истражување и гласање на публиката. Lovefest го зазеде високото 35. место на светско ниво.
Изворно, Lovefest е фестивал на електронска музика, но со текот на времето се развиваше со воведување нови музички жанрови, но и нови програмски зони, како што се Photo, Cinema, Graffiti, Chill, Eco, Vorkshop, Street Basket, Ektreme и Kids зона. Сепак, фестивалот е најпрепознатлив по познатата голема рејв-журка која ја промовира урбаната култура и уметноста, по величествените огномети и по сценографијата.
Преку своите програмски активности и зони, Lovefest посветува посебно внимание на промоција и препознавање млади таленти од различни области, со акцент на оние кои живет и работат во централна Србија. Значаен сегмент од фестивалот е посветен на екологијата и хуманитарната работа преку разни хуманитарни акции и донации.
Фестивалската атмосфера под ведро небо во паркот преполн со зеленило никого нема да го остави рамнодушен, а посетителите може да се спремаат однапред за овој настан. Освен самиот фестивал, организаторите на Lovefest организираат забави во текот на целата година, со гостувања на најголемите светски диџеи.
