Србија може да се пофали со неколку занимливи локации за глампинг (анг. glamping, во превод: луксузно кампување) какви што нема да најдете на друго место. Во овој начин на гламурозно „кампување“, од каде што и потекнува називот, ќе се качите на Фрушка Гора, Златибор или во Бездан, Чачак и Засавица.
Зошто да се одречеме од луксузот ако сакаме да поминеме време во природа, зар не? Удобностите на хотелот со пет ѕвезди сега се блиску до природата, а денешните туристи се повеќе избираат удобност што не ги принудува да бидат набљудувачи, туку да се вклопат во околината.
Секоја од споменатите локации во Србија подразбира луксуз до последен детаљ каков што сакате да имате во своето сместување, но нудат и по нешто плус. Ако ве интересираат фрушкогорските вина по кои е позната оваа планина во Војводина, најдобро е да резервирате одмор во глампинг ресорт кој нуди дегустација со убав поглед на Дунав. Каде на друго место може да се разбудите опкружени со винова лоза?
Зошто по долга прошетка низ питомата природа на Фрушка Гора и вас да не ве дочека пријатна бања? Романтичната вечера ќе биде посебна кога низ чашата со вино ќе се пробие отсјајот на сонцето кое се одбива од површината на реката.
На Засавица се оди за одмор, но и за детоксикација од модерните дигитални занимации. Проверете како изгледа кога луѓето се зад оградите, а животните шетаат слободно.
Во Бездан ќе уживате во возење со катамаран по Големиот бачки канал, додека куќичката во Меѓувршје кај Чачак едвај ќе ја видите меѓу бујната природа, бидејќи толку добро се вклопува во амбиентот на околината.
Глампинг на Златибор е уште едно интересно доживување бидејќи тука се спојуваат луксузот, кампувањето и Дивиот запад. Испробајте каде најдобро се спие, дали во каубојскиот град каде што ве чекаат коњи и салун, во индијански шатор покрај логорски оган или во традиционалните златиборски колиби стари повеќе од сто години.
